النهارده جايبالكم وصفة إنما ايه حلوة اوى وهتعجبكم كلنا بنحبها وبنشتربها من بره..
كريب بيتي :
المكونات :
دقيق وميه ورشة سكر وملح
المقدار ، التلت كوبيات دقيق قصادهم كوباية وربع مية دافية حسب نوع الدقيق لو احتاجتي ميه هتحتاجي معلقة او اتنين بالكتير زيادة ورشه ملح ورشة سكر ،، التلت كوبيات دول بيعملو ٥ ارغفة من العيش والمفروض ان العجينة تبقى طرية ومبتلزقش
الطريقة:
بعد ما تعجني هتقطعيهم خمس كور متساوية
وبعدها هتحطيهم ف طبق الطبق هتدهنيه زيت الاول وندهن الكور كمان زيت وبعدها ترتاح شويه بتاع نص ساعة
وبعدين بقى هندهن ايدنا زيت والمكان اللي هنفرد فيه العجين وناخد كورة نفضل نفرد فيها زي الفطير كده بالنشابة وبايدينا
ونحاول نرققه كده وبعدين ع صاجة سويته بس حاجة بسيطة اوي اوي ملحقتش احطه وشيلته بسرعة وبعدين خدت الرغيف ع الصاجة حطيته وهو عليها بدات احط الحاجة جواه اى حشو تحبيه وقفلته مثلث كده وقلبته وبس كده
ألف هنا ..
تعليقات
إرسال تعليق